ԱՔՌԱ Վարկային Բյուրո

Վարկային զեկույցների տեսակներ

ՍՊ0 (հակիրճ)

Ներառված են՝

ընթացիկ ժամկետանց և դասակարգված վարկերի առկայության վերաբերյալ տեղեկություններ
վարկի ռիսկի դասը
ժամկետանց վարկի առկայությունը կամ բացակայությունը

ՍՊ1 (նկարագրող)

Ներառված են՝

ՍՊ0
կատարված հարցումների վերաբերյալ վիճակագրական տվյալներ

ՍՊ2 (ընդլայնված)

Ներառված են՝

ՍՊ1
ընթացիկ բոլոր վարկերի վերաբերյալ տեղեկություններ

ՍՊ3 (ամբողջական)

Ներառված են՝

ՍՊ2
նախկինում մարված բոլոր վարկերի վերաբերյալ տեղեկություններ

ԱՔՌԱ Սքոր

Ներառված են՝

ԱՔՌԱ նկարագրող սքոր՝ վարկառուի վարկային պատմության ներկա վիճակը
ԱՔՌԱ կանխատեսող սքոր՝ վարկառուի կանխատեսող վարկարժանությունն առաջիկա ժամանակահատվածի համար

SMS ծառայություններ

«SMS զեկույց» ծառայությունը նախատեսված է ֆիզիկական անձ հանդիսացող հաճախորդների համար։ Այն հնարավորություն է տալիս կարճ հաղորդագրությունների միջոցով, արագ և մատչելի կերպով ստանալ վարկային պարտավորությունների վերաբերյալ ամփոփ տվյալներ։

Ծառայության միջոցով հնարավոր է ստանալ տվյալ պահին Ձեր վարկային պատմության հետևյալ դաշտերի մասին տեղեկատվություն.

գործող վարկերի քանակ
մարված վարկերի քանակ
ժամկետանց գումարի մնացորդ
փաստացի մայր գումարի մնացորդ
ընդհանուր (գործող/մարված) վարկերի քանակ

Դուք կարող եք նաև ստանալ տվյալ պահին Ձեր վարկային ռիսկի թվային գնահատականը (սքոր).

ԱՔՌԱ նկարագրող սքոր
ԱՔՌԱ կանխատեսող սքոր

Տիպային օրինակ

Դուք կարող եք ցանկացած պահի տեղեկանալ սեփական ֆինանսական պարտավորությունների մասին՝ խնայելով Ձեր գումարն ու ժամանակը:
Ծառայությունից օգտվելու համար, պետք է ունենալ նույնականացված անձնական էջ ԻՄ ԱՔՌԱ գրասենյակում, որտեղ հասանելի են հաղորդագրությունների ստացման համար անհրաժեշտ նույնականացուցիչները՝ «PIN» կոդերը։
Ձեր նախընտրելի տեղեկատվությունը ստանալու համար անհրաժեշտ է անձնական էջում գրանցված հեռախոսահամարից ուղարկել համապատասխան «PIN» կոդը 5150 կարճ համարին։
Ծառայության 1 «SMS»-ի արժեքը կազմում է 100 ՀՀ դրամ:

Եթե դեռ չունեք անձնական էջ ԻՄ ԱՔՌԱ գրասենյակում, ապա գրանցվելու համար այցելեք այս հղումով:

Վարկային պատմության մոնիթորինգ

ԱՔՌԱ Մոնիթորինգ ծառայությունը հնարավորություն է տալիս SMS հաղորդագրության և/կամ էլեկտրոնային նամակի միջոցով տեղեկանալ Ձեր վարկային պատմության հետևյալ դաշտերում գրանցվող փոփոխությունների մասին.

գործող վարկերի քանակ
ժամկետանց գումարի մնացորդ
փաստացի մայր գումարի մնացորդ
ընդհանուր (գործող/մարված) վարկերի քանակ
Ձեր վերաբերյալ կատարված վերջին հարցման ամսաթիվ
Ձեր վերաբերյալ վերջին 1 տարվա ընթացքում կատարված հարցումների քանակ

ԱՔՌԱ Մոնիթորինգ ծառայությունը Ձեզ հնարավորություն է ընձեռում.

ինքնուրույն հետևել Ձեր վարկային պատմության մեջ տեղի ունեցող փոփոխություններին և վերահսկել տեղեկատվության ճշտությունը
անմիջապես արձագանքել, եթե Ձեր վարկային պատմության մեջ հայտնվի սխալ տեղեկատվություն
եթե կորցնեք Ձեր փաստաթղթերը և գտնող անձը փորձի խարդախությամբ վարկ ձևակերպել Ձեր տվյալներով, ապա ԱՔՌԱ Մոնիթորինգ ծառայությունը կտեղեկացնի Ձեր վերաբերյալ կատարված հարցման մասին և Դուք կարող եք կանխարգելել հետագա անցանկալի երևույթները

Ծառայությունը կարող եք ակտիվացնել ԻՄ ԱՔՌԱ անձնական գրասենյակի միջոցով:

1 ամսով բաժանորդագրության արժեքը կազմում է 600 ՀՀ դրամ։
1 տարով բաժանորդագրության արժեքը կազմում է 6000 ՀՀ դրամ:

Ինչպիսի՞ տեղեկություն է պարունակում վարկային զեկույցը:

Վարկային զեկույցը փաստաթուղթ է (գրավոր կամ էլեկտրոնային), որը պարունակում է անձի ֆինանսական պարտավորությունների կատարման վերաբերյալ տեղեկություններ (վարկային պատմություն), որոնք օգնում են վարկատու կազմակերպություններին, ինչպես նաև տարաժամկետ վճարման սկզբունքով (ապառիկ) ապրանքներ վաճառող կամ ծառայություններ մատուցող կազմակերպություններին արագ և առավելագույնս հիմնավորված գնահատել գործընկերոջ և հաճախորդի/վարկառուի վարկարժանության/վճարունակության աստիճանը:

Տեղեկություններ, որոնք չեն նշվում վարկային զեկույցում:

Վարկային զեկույցում չեն ներառվում անձի եկամուտը, առձեռն կատարած գործարքները, անձի քաղաքական հայացքներին, այլ միություններին անդամակցությանը, նախասիրություններին, uոցիալական վիճակին, նախնիներին, ռասային և կրոնական պատկանելությանը, էթնիկ ծագմանը, մշակութային, կրոնական, փիլիսոփայական հայացքներին, ինչպես նաև առողջությանը վերաբերող տվյալներ: Վարկային զեկույցում չի ներառվում նաև անձի` վարկային զեկույցի տրամադրման պահին նախորդող հինգ տարուց ավելի վարկային տեղեկատվություն:

Ի՞նչ է անհրաժեշտ վարկառուի վարկային զեկույցը ստանալու համար:

Ցանկացած անձ (վարկային տեղեկատվության սուբյեկտ) կամ նրա լիազորված անձը կարող է հարցում կատարել և ստանալ իր վարկային զեկույցը, եթե տվյալ անձը կամ նրա լիազորված անձը վարկային բյուրոյին ներկայացնի փաստաթղթեր կամ տեղեկություններ, որոնք հնարավորություն կտան նույնականացնել հարցում կատարող անձին, իսկ նրա լիազորված անձի կողմից նման պահանջ ներկայացնելու դեպքում` նաև լիազորված անձին: Այլ անձ վարկային տեղեկատվության սուբյեկտի (գործընկերոջ, հաճախորդի կամ վարկառուի) վարկային զեկույցը ստանալու համար պետք է․

ունենա այդ տեղեկությունը ստանալու գործարար անհրաժեշտություն,
վարկային բյուրոյի հետ կնքի ծառայությունների մատուցման պայմանագիր,
ստանա վարկային տեղեկատվության սուբյեկտի գրավոր համաձայնություն:

Ի՞նչ է վարկային պատմությունը և ի՞նչ նպատակով է այն հարկավոր:

Վարկային պատմությունը վարկառուի ստանձնած պարտավորություններին վերաբերող պարտքերի, վճարումների, վճարումների սովորությունների կամ պարտավորությունների կամ դրանց կատարումը արտացոլող տեղեկատվությունն է («Վարկային տեղեկատվության շրջանառության և վարկային բյուրոների գործունեության մասին» ՀՀ օրենք, հոդված՝ 11): Այն օգտագործվում է ֆինանսական կազմակերպությունների կողմից վարկերի տրամադրման, ինչպես նաև արտադրող և վաճառող կամ ծառայություններ մատուցող կազմակերպությունների կողմից՝ տարաժամկետ վճարման սկզբունքով (ապառիկ) ապրանքների/ծառայությունների իրացման վերաբերյալ որոշում կայացնելու ընթացքում:

Որտեղի՞ց և ինչպե՞ս կարող է վարկառուն իր վարկային պատմության մասին տեղեկանալ:

Վարկառուն կարող է տեղեկանալ իր վարկային պատմությանը առցանց և թղթային տարբերակով․

առցանց․ ԱՔՌԱ վարկային բյուրոյի ինտերնետային կայք-էջից՝ այնտեղ նախապես գրանցվելով և օգտվելով «Առցանց ինքնահարցում» ծառայությունից՝ ստանալով իր վարկային պատմության էլեկտրոնային տարբերակը:
թղթային․ վարկային զեկույցը (պատմությունը) ստանալու համար վարկառուն դիմում է «ՀԱՅՓՈՍՏ» ՓԲԸ-ի փոստային բաժանմունք՝ լրացնելով համապատասխան հայտը։

Ինչպե՞ս ստուգել էլեկտրոնային թվային ստորագրության իսկությունը վարկային զեկույցում։

PDF փաստաթղթերում էլեկտրոնային թվային ստորագրությունը ստուգելու համար անհրաժեշտ «Էլեկտրոնային կառավարման ենթակառուցվածքների ներդրման գրասենյակի» («ԷԿԵՆԳ») կայքից ներբեռնել և համակարգչում տեղադրել Հանրային հավաստագրերը (ներբեռնման հղում), որից հետո համապատասխան PDF փաստաթուղթը բացել «Adobe Acrobat Reader DC» (ներբեռնման հղում) ծրագրի միջոցով։ Էլեկտրոնային թվային ստորագրության վերաբերյալ առավել մանրամասն տեղեկատվություն կարող եք ստանալ «ԷԿԵՆԳ»-ի կայքից (հղում)։

Բացի ինձանից ո՞վ կարող է տեղեկանալ վարկառուի վարկային պատմության մասին:

Համաձայն «Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի 16-րդ հոդվածի դրույթների՝ Ձեր վարկային պատմության մասին կարող են տեղեկանալ միայն Ձեր կողմից տրված գրավոր(նաև էլեկտրոնային) համաձայնության դեպքում այն սուբյեկտները, ում հետ ունեք․

դրամական պարտավորություններ առաջացնող հարաբերություններ,
աշխատանքային հարաբերություններ։

Որո՞նք են վարկային պատմության ձևավորման աղբյուրները:

Վարկային պատմության ձևավորման աղբյուրներն են ԱՔՌԱ-ի հետ համագործակցող և վարկային տեղեկատվության սուբյեկտի վերաբերյալ տեղեկություններ(տվյալներ) տրամադրող կազմակերպությունները (բանկեր, վարկային կազմակերպություններ, ապահովագրական ընկերություններ, հետաձգված վճարումներով գործարքներ իրականացնող կազմակերպություններ, ինչպես նաև՝ հանրային տվյալների բազայից ՀՀ կառավարության սահմանած կարգով վարկային բյուրոյին անձանց վերաբերյալ տեղեկություններ տրամադրող պետական մարմիններ)։

Հետագայում վարկ վերցնելիս ինչպիսի՞ ազդեցություն կարող է ունենալ վատ վարկային պատմությունը:

Նախկինում ձևավորված վատ վարկային պատմությունը կարող է հիմք հանդիսանալ նոր ստացվող վարկերի պայմանների խստացման կամ չտրամադրման համար: Նման դրույթները մանրամասն ներկայացվում են վարկատու կազմակերպության (բանկ, վարկային կազմակերպություն) վարկային կամ ռիսկերի կառավարման քաղաքականություններում:

Ինչպե՞ս ազատվել «վատ վարկային պատմություն» ունենալու կարգավիճակից:

Գործնականում «վատ վարկային պատմությունից» ազատվելը նշանակում է ներկա պահին ԱՔՌԱ վարկային բյուրոյի կողմից պատրաստվող վարկային զեկույցներում չունենալ խնդրահարույց (ժամկետանց կամ սուբյեկտտիվ չափանիշներով դասակագված) վարկեր: Խնդրահարույց վարկերի մասին տեղեկատվությունը չի արտացոլվում վարկային զեկույցում, եթե

խնդրահարույց վարկի (մարված կամ դուրս գրված) մասին տեղեկատվությունը չի թարմացվել վարկատուի կողմից հինգ տարուց ավել ժամանակահատվածում՝ սկսած ներկա պահից, կամ
խնդրահարույց վարկը լիովին մարված է, և վերջին վճարման պահից անցել է հինգ տարուց ավել ժամանակահատված, կամ
խնդրահարույց վարկի պայմանագրով սահմանված վերջնական մարման ամսաթիվը ունի հինգ տարուց ավել վաղեմություն:

Ինչքա՞ն ժամանակ է պահպանվում վարկային պատմությունը:

Համաձայն «Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի 11-րդ հոդվածի դրույթների՝ վարկային բյուրոյի կողմից տրամադրվող վարկային զեկույցներում չպետք է ներառվի վարկային զեկույցի տրամադրման պահին նախորդող հինգ տարուց ավելի վարկային տեղեկատվություն:

Ու՞մ դիմել, եթե վարկային պատմությունը սխալ է կամ առկա է բողոք:

Եթե վարկառուի վարկային պատմության մեջ առկա են սխալ կամ թերի տվյալներ, ապա պարզաբանման և ուղղման նպատակով վարկառուն, համաձայն «Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի 20-րդ հոդվածի դրույթների, կարող է այդ մասին տեղեկացնել վարկային բյուրոյին կամ ուղղակիորեն դիմել տեղեկատվություն տրամադրող սուբյեկտներին (վարկային տեղեկատվության աղբյուրին): Տեղեկացումը կարող է իրականացվել համապատասխան գրավոր դիմումը վարկային տեղեկատվություն տրամադրող սուբյեկտին ներկայացնելու միջոցով կամ էլեկտրոնային եղանակով՝ առցանց ռեժիմում: Ընդ որում, վարկառուն իր բողոքների մասին էլեկտրոնային եղանակով կարող է դիմել, եթե վերջինս ֆիզիկական անձ է և վիճարկվող վարկային պատմությունը (զեկույցը) ստացել է առցանց եղանակով:

Ինչպե՞ս բարելավել վարկային ռիսկի թվային գնահատականը:

Վարկային ռիսկի թվային գնահատականը բարելավելու համար վարկառուն, մասնավորապես, կարող է.

նվազեցնել առկա վարկերի քանակը՝ դրանք մասամբ կամ լիովին մարելով,
նվազեցնել առկա վարկերի մնացորդները,
նվազեցնել ժամկետանց վարկերի քանակը, գումարը,
նվազեցնել տրված երաշխավորությունների քանակը և գումարը,
ապահովել տրված երաշխավորությունների մասով ժամկետանց գումարների լիովին մարումը:

«ԱՔՌԱ Քրեդիտ Ռեփորթինգ» ՓԲԸ

ՀՀ, 0010, Երևան, Մ. Խորենացի 15 շենք, «Էլիտ Պլազա» բիզնես-կենտրոն, 9-րդ հարկ

Հաճախորդների սպասարկում (աշխատանքային օրերին)՝ 9:30-17։00

Սպասարկման բաժնի հեռախոսահամար` +374-10-522-467

Էլ. փոստ՝ info@acra.am

Սպառողական վարկային զեկույց

Վարկային պատմության մոնիթորինգ

SMS ծառայություններ

ԱՔՌԱ սքոր